উদুলি মুদুলি চতিয়াৰ পদূলি: অসমৰ প্ৰথম মুকলি বিহুৰ শতবাৰ্ষিকী পালনৰ প্ৰস্তুতি

চতিয়াৰ পৰা সৌৰভ হাজৰিকা, অসম সংবাদ: সদৌ চতিয়া সাৰ্ব্বজনীন মাধুৰী আঁহতৰ মুকলি বিহু মেলাৰ এইবাৰ শতবৰ্ষ ৷ সেইবাবেই মাঘৰ পৰা ব’হাগলৈ আৰম্ভ হৈছে শতবৰ্ষৰ বৰ্ণিল পৰিক্ৰমা ৷ স্থানীয় বিধায়ক পদ্ম হাজৰিকাক সভাপতি, মৃণাল গোস্বামী আৰু পুষ্প বৰাক সম্পাদক হিচাপেলৈ গঠন কৰা হৈছে উদযাপন সমিতি৷ চতিয়াৰ গাঁওসমূহৰ প্ৰতিনিধিৰে গঠিত এই উদযাপন সমিতিয়ে ইতিমধ্যেই আৰম্ভ কৰিছে শতবৰ্ষৰ প্ৰস্তুতি৷ যোৱা ১১ আৰু ১২ জানুৱাৰীত চতিয়াৰ গাঁৱে গাঁৱে লোৱা হৈছে প্ৰচাৰ কাৰ্যসূচী৷ ব্যতিক্ৰমী ৰূপত প্ৰত্যেক ভেলাঘৰে ভেলাঘৰে ৰাজহুৱাভাৱে আমন্ত্ৰণ দিয়া হৈছিল। ১ মাঘত বিধায়ক পদ্ম হাজৰিকাই মুকলি কৰিলে শতবৰ্ষৰ মুখ্য কাৰ্যালয় আৰু অনুষ্ঠানিকভাৱে মুকলি কৰে ধন সংগ্ৰহৰ কুপন আৰু থিতাতে প্ৰায় দুই লাখ টকা সংগ্ৰহ হয় বিধায়ক জনৰ প্ৰচেষ্টাত৷ দূৰন্ত উদ্যম বুকুত বান্ধি চতিয়াবাসীয়ে ১৯১৮ চনতেই আৰম্ভ হোৱা অসমৰ প্ৰথমখন মুকলি বিহু মাধুৰী আঁহতৰ মুকলি বিহুৰ শতবৰ্ষৰ বাবে মাঘৰ পৰা ব’হাগলৈ হাতত লৈছে বিভিন্ন কাৰ্যসূচী৷ সেই অনুসৰি মাঘত কাৰ্যালয় মুকলি, ফাগুনত বিহু কৰ্মশালা, ফাগুৱা উৎসৱ পালন,চ’তত দিহানাম,ৰাতি বিহু আৰু খেল-ধেমালি৷ আনহাতে ৩০ চ’তৰ পৰা ৭ ব’হাগলৈ অনুষ্ঠিত হ’ব মূল কাৰ্যসূচী৷ ৩০ চ’ত গৰু বিহুৰ দিনা শতবৰ্ষৰ শতখন পতাকা উত্তোলন, ১ ব’হাগ মানুহৰ বিহুত বাৰেৰহণীয়া শোভাযাত্ৰা,২ ব’হাগ গোঁসাই বিহুত গাঁৱে গাঁৱে মাধুৰী সৰু বিহুৱতী প্ৰতিযোগিতা, ৩ ব’হাগ চেনেহী বিহুত জীয়ৰী-বোৱাৰীৰ বিহু-অভিৰুচি গমন,৪ ব’হাগ মেলা বিহুত শতবৰ্ষৰ স্মৃতিগ্ৰন্হ “মাধুৰী” মুকলি আৰু মুকলি বিহু প্ৰতিযোগিতা,৫ ব’হাগ কুটুম বিহুত মূলসভা আৰু সাংস্কৃতিক অনুষ্ঠান আৰু ৭ ব’হাগ চেৰা বিহুত সামৰণি অনুষ্ঠান ‘ভাগৱত পাঠ’

মন্তব্য

পঢ়িব পাৰে

বিশ্বনাথ চাৰিআলিত অসম জাতীয়তাবাদী যুৱ-ছাত্ৰ পৰিষদৰ অৱস্থান ধৰ্মঘট

অসম সংবাদ, বিশ্বনাথ চাৰিআলি: অসম জাতীয়তাবাদী যুৱ-ছাত্ৰ পৰিষদে জন্মলগৰে পৰা বিগত চাৰি দশক ধৰি অসমৰ …