আজৱ কাণ্ড: শিক্ষকক প্ৰহাৰ কৰা ছাত্ৰৰ সপক্ষত আন্দোলন

অসম সংবাদ,গোৱালপাৰা: গোৱালপাৰা জিলাৰ জলেশ্বৰ উচ্চতৰ মাধ্যমিক বিদ্যালয়ত আজি হঠাৎ সৃষ্টি হয় এক উত্তপ্ত পৰিস্থিতিৰ ।  বিদ্যালয়ৰ প্ৰৱেশদ্বাৰত তলা ওলোমাই প্ৰতিবাদ জনায় ছাত্ৰ ছাত্ৰীসকলে । ফলত সৃষ্টি হয় এক উত্তপ্ত পৰিস্থিতিৰ । ছাত্ৰ-ছাত্ৰীসকলৰ দাবী বিনাচৰ্তে আৰক্ষীয়ে মুক্তি দিব লাগে বিদ্যালয়খনৰ ছাত্ৰ একতা সভাৰ সা:সম্পাদক জিৰাফ উদ্দিনক।  জানিবপৰামতে যোৱা ৬ ফেব্ৰুৱাৰীত বিদ্যালয়খনত পাঠদান আৰম্ভ হোৱাৰ পিছত শিক্ষক আব্দুৰ ৰেকিবে উচ্চতৰ মাধ্যমিক প্ৰথম বৰ্ষৰ ছাত্র-ছাত্রী সকলোক পাঠদান দি আছিল ৷ তেনে সময়ত বিদ্যালয়খনৰ ছাত্র একতা সভাৰ সম্পাদক জিৰাফ উদ্দিনে কোঠালিটোত প্ৰবেশ কৰি শিক্ষক আব্দুৰ ৰেকিবৰ ওপৰত আক্ৰমণ চলায় ৷ ফলত শিক্ষক আব্দুৰ ৰেকিব গুৰুতৰভাৱে আহত হৈ পৰে ৷ আনফালে এই ঘটনা সংঘতিত হোৱাৰ পিচতে জলেশ্বৰ আৰক্ষী চকীৰ আৰক্ষী বিদ্যালয়খনত উপস্থিত হৈ শিক্ষক আক্ৰমণকাৰী সম্পাদক জিৰাফ উদ্দিনক কৰায়ত্ত কৰি লক্ষীপুৰ আৰক্ষী থানালৈ নিয়ে ৷ আৰক্ষীয়ে সম্প্ৰতি ঘটনা সন্দৰ্ভত সম্পাদক গৰাকীক সোধপোছ অব্যাহত ৰাখিছে ৷ ঘটনা সন্দৰ্ভত শিক্ষক আব্দুৰ ৰেকিবে লক্ষীপুৰ আৰক্ষী থানাত এজাহাৰ দাখিল কৰা বুলিও জনা গৈছে ৷ উক্ত ঘটনাক কেন্দ্ৰ কৰি আজি গোৱালপাৰা জিলাৰ জলেশ্বৰ উচ্চতৰ মাধ্যমিক বিদ্যালয়ত সৃষ্টি হয় উত্তপ্ত পৰিস্থিতি ৷ বিদ্যালয়ৰ প্ৰৱেশ দ্বাৰত তলা লগালে ছাত্র-ছাত্রীয়ে ৷ বিদ্যালয়খনৰ ছাত্ৰ একতা সভাৰ সাধাৰণ সম্পাদক জিৰাফ উদ্দিনৰ মুক্তিৰ দাবীত তলা লগালে ছাত্র-ছাত্রীয়ে ৷
ইপিনে বিদ্যালয়খনৰ বাহিৰত থিয় হৈ থাকিব লগা হৈছে শ-শ ছাত্র-ছাত্রী তথা শিক্ষক-শিক্ষয়ত্রীসকল ৷ ঘটনাস্থলীত উপস্থিত হয় জলেশ্বৰ আৰক্ষী চকীৰ আৰক্ষী ৷ পৰিস্থিতি নিয়ন্ত্ৰণৰ চেষ্টা চলায় আৰক্ষীয়ে ৷ আৰক্ষী আৰু ছাত্ৰ-ছাত্ৰীৰ মাজত টনা আজোৰাও হয়। ইপিনে ঘটনাৰ বুজ লবলৈ ঘটনাস্থলীত উপস্থিত হয় লক্ষীপুৰ চক্ৰ বিষয়া। কিন্তু তেওঁ ছাত্ৰ-ছাত্ৰীসকলৰ আগত কোনো ধৰনৰ মন্তব্য দিয়াৰ পৰা বিৰত থাকে।

মন্তব্য

পঢ়িব পাৰে

ৰং ভাবনা অনুষ্ঠান পালন নলবাৰী জিলা ছাত্ৰ সন্থাৰ

অসম সংবাদ, নলবাৰীঃ কলাশিল্পৰ অন্যতম পূজাৰী অসম খ্যাত গুৰুজী আদ্য শৰ্মাৰ তৃতীয় মৃত্যু দিৱসৰ লগত …